QR මගින් ගෙවීමට පෙර පහත උපදෙස් අනුගමනය කරන්න
QR යෙදවුම මගින් ජල බිල්පත් වලට ගෙවීමේ පියවරයන්
1. ඔබගේ QR ගෙවීම් ජංගම දුරකථන යෙදවුම භාවිතා කර පහත සදහන් කේතය ස්කැන් කර payment reference යන ස්ථානයට අංක හතරකින් හා ඉංග්‍රිසි අකුරකින් සමන්විත ජල බිල් අංකය ඇතුලත් කරන්න .
උදා - B0105
2.Amount - යන ස්ථානයට ගෙවිය යුතු මුදල සටහන් කරන්න.
3.Reference- යන ස්ථානයට දුරකථන අංකය ඇතුලත් කරන්න.
4.පසුව Pay කරන්න
5. ඉන් ඔබගේ ලියාපදිංචි වී ඇති දුරකථන අංකයට OTP Cord එකක් ලැබෙන අතර, ලැබෙන අතුරු මුහුනතෙහි එය සටහන් කර තහවුරු කිරිම සදහා confirm කරන්න.
QR යෙදවුම මගින් වෙනත් ගෙවීමකට අදාල ගෙවීමේ පියවරයන්
1. ඔබගේ QR ගෙවීම් ජංගම දුරකථන යෙදවුම භාවිතා කර පහත කේතය ස්කැන් කර payment reference යන ස්ථානයට
1.1 වරිපනම් සදහා - වරිපනම් අංකය සටහන් කරන්න
1.2 කඩකුලියක් සදහා - කුමන ස්ථානයක කඩ කාමර අංකයද කුමන මාසයක් වෙනුවෙන් ගෙවීම සිදු කරන්නේද යන්න ද සටහන් කරන්න
1.3 බලපත්‍ර ගාස්තු සදහා- බලපත්‍ර අංකය සටහන් කරන්න
සැ.යු (මීට අමතරව ගෙවීමක් සිදු වේ නම් කුමන කාරනයක් සදහා ගෙවන්නේද පිලිබද සවිස්තරාත්මකව මෙම ස්ථානයේ සටහනක් නිවරදිව සටහන් කල යුතුය)
2.Amount - යන ස්ථානයට ගෙවිය යුතු මුදල සටහන් කරන්න.
3.Reference- යන ස්ථානයට දුරකථන අංකය ඇතුලත් කරන්න.
4.පසුව Pay කරන්න
5. ඉන් ඔබගේ ලියාපදිංචි වී ඇති දුරකථන අංකයට OTP Cord එකක් ලැබෙන අතර, ලැබෙන අතුරු මුහුනතෙහි එය සටහන් කර තහවුරු කිරිම සදහා confirm කරන්න.
QR ගෙවීම් පිළිබද ඔබගේ ගැටඵවක් වේ නම් 047-2247275 දුරකථන අංකය මගින් අප වෙත යොමු කරන්න.
මෙහෙවර ප්‍රකාශය
"කටුවන ප්‍රාදේශීය සභා බල ප්‍රදේශයේ ජීවත්වන පොදු මහජනතාවගේ ප්‍රජාතාන්ත්‍රික මුලික මිනිස් අයිතිවාසිකම් සුරක්‍ෂිත කරමින් ඔවුන්ගේ ආර්ථික, සමාජීය හා සංස්කෘතික උරුමයන් සාක්ෂාත් කර, ඔවුන්ට වඩාත් සුරක්‍ෂිත වු දේශයක් උරුමකර දෙමින් අභිමානවත්ව නැගී සිටිමට හැකියාව ඇති මිනිස් පරපුරක් බිහිකර ප්‍රදේශයේ ජනතාවට හිමි සම්පත් ක්‍රමවත්ව වැඩි දියුණු කර අත්‍යාවශ්‍ය පොදු පහසුකම් සපයා දෙමින් කටුවන ප්‍රාදේශීය සභා බල ප්‍රදේශයේ ජනතා අපේක්‍ෂාවන් මැනවින් ඉටුවන ආකාරයට ගොඩනැංවීම අපගේ පරමාර්ථය වේ."
කටුවන ප්‍රාදේශීය සභාව ඔබ සාදරයෙන් පිළිගනිමු.
දකුණු ලක හම්බන්තොට දිස්ත්‍රික්කයේ උතුරු ගිරුවාපත්තුවේ මුල්ගිරිගල ආසනයේ පිහිටි මුහුදු මටිටමේ සිට අඩි 2700 ක් පමණ දක්වා උස් බිම් තිරුවකින් විද්‍යාමාන වන භු විෂමතාවක කටුවන ප්‍රාදේශිය සභා බල ප්‍රදේශය පිහිටා ඇත. උතුරින් සඔරගමුව පළාතේ රත්නපුර දිස්ත්‍රික්කයේ ඇඹිලිපිටිය ප්‍රාදේශිය සභාවද, දකුනින් විරකැටිය ප්‍රාදේශිය සභාවද, නැගෙනහිරින් අගුනුකොලපැලැස්ස ප්‍රාදේශිය සභාවද, බටහිරින් පස්ගොඩ ප්‍රාදේශිය සභාවද, මායිම් වන අප බල ප්‍රදේශයේ විශාලත්වය වර්ග කි මි 169 කි. වලස්මුල්ල කටුවන මිද්දෙනිය යන පොලිස් වසම් 03 කින් ආවරණය වන අප බල ප්‍රදේශය ග්‍රාම නිලධාරි වසම් 84 කින් සමන්විත වේ. මුළු ඡනගහනය 75543 ක් වන අතර ලියාපදිංචි ඡන්ද දායක සංඛ්‍යාව 5055 කි .
කටුවන ප්‍රාදේශිය සභාව කටුවන ප්‍රධාන කාර්යාලයට අමතරව කිරම මිද්දෙනිය යන උප කාර්යාල 02 කින් සමන්විත වන අතර වර්තමානයේ සභාපතිවරයා ලෙස කටයුතු කරන්නේ මහින්ද ගාමාච්චි මැතිතුමාය.අද වන විට කටුවන ප්‍රාදේශිය සභාවේ ස්ථිර අනුමත කාර්ය මණ්ඩලය 127 ක් වේ. සභාව මගින් ක්‍රියාත්මක වන සේවා අතර විථිරේඛා හා නොපවරාගැනිමේ සහතික නිකුත් කිරිම, ගොඩනැගිලි සැලසුම් අනුමත කිරිම, පෙර පාසල් හා පුස්තකාල පවත්වාගෙන යාම, හා බල ප්‍රදේශයේ කැලි කසල බැහැර කිරිම, මෙන්ම ඡල පාරිභොගිකයන් 3500 කට ආසන්න සංඛ්‍යාවකට පානිය ඡලය සපයා දිම යන ප්‍රධාන කාර්යන් අරමුණු කර ගනිමින් වඩාත් කාර්යක්ෂම හා ගුනාත්මක සේවාවන් සැපයිම අපගේ අභිලාෂය වේ.
